التحرير فى 30 دقيقه:
نزلت التحرير لانه كان واحشنى وبالمره يمكن الاقى اصدقائى هناك ولكن اول مانزلت لقيت العربيات مركونه فى الميدان .نصف نقل وملاكى وغيرهم وكمان السايس شايف شغله جامد والكلام ده عند الصينيه امام هارديز .المهم بجد زعلت كتير على الميدان واللى بيحصله ده بقى ولا الجراج ومش عاوز اغلط فى مناطق فى القاهره واقول انه بقى ازبل منها , المهم مشيت شويه وبعدين لقيت خناقه بالسنج والمطاوى وبصراحه اللى يضحك هو كمية وطنية البلطجيه البياعين اللى موجودين وهما بيتخانقوا بيقولوا لبعضهم يابلطجى الحقوا باناس العيال دى بلطجيه وده عل اساس انهم كلهم مش اصحاب ومعاهم السنج والمطاوى بس بيتخانقوا وده عادى ...المهم الطريق وقف والناس بتتفرج والحياه حلوه هناك وحتى الستات الموظفه ( بتوع البسله والطبيخ تحت المكتب ) واقفين يتفرجوا ويقولوا هههههههههههههههههههههههه هى دى الثوره الله يخرب بيتها .شوفتوا الحال وصل بينا لفين وده بسبب مين ؟
ضحينا بالام والجنين علشان الاب يعيش:
فى ناس عاوزه البلد تخرب ولما تخرب نرجع نقول فين ايامكم ونترحم عل ايام زمان والموظفين كانوا شغاليين ميه ميه وبياخدوا رشاوى والجاهليه كانت شغاله ظلم فى الناس والبيه والباشا الظابط كان ليه وضعه دلوقتى الوضع لما جه يحسن وضعه فى محمد محمود سقط ( الحمل سقط يعنى ) المهم هما دول الناس اللى كانوا مستفيدين بالموضوع قبل الثوره وكلهم عاوزينها تخرب علشان نرجع عبيد .
قرار نهائى :
.انا عن نفسى قررت ارجع زى ماكنت .عايش وخلاص .عملنا ثوره وعمالين نهاتى ويجوا شوية ذقون ويقولوا البنت والحجاب ومدنيه واللا اسلاميه وحكومه انتقاليه وسحب ثقه والدستور كانه محشى وهما عماليين يلفوا فيها 50% مجلس و 50 % اخوان من بره.وهيا دى الديموقراطيه اللى هنحسها بس بالظبط احساسك لما تقعد على ميه بارده وتبل هدومك...القرار ده اخذته بعد الضغط ماارتفع والواحد جاله امراض الدنيا والاخره بسبب البلد دى والحل التانى هو انى اسيبها ياكشى تولع .اه وربنا يعنى لو لقيت عامود منور انا بنفسى اكسر اللمبه واحفر فيه حفره علشان الناس تقع فيها .وهما اللى وصلونا لكده ..او انى امشى من البلد دى والله اول مااخرج هاعمل حاجه وانا راكب الطياره بعدين هااقولكم عليها...
خلصت الخناقه:
قولت اما امشى جنب الكورنيش يمكن افك من اللى انا فيه لحد مااوصل للعربيه اللى ح اركبها..وانا ماشى لقيت ولدصغير بتخانق مع 2 عسكر امن مركزى المهم فضيت المشكله وفهمت الولد انه ماينفعش يعمل كده قاللى لاء لانهم قتلوا اخويا فى بور سعيد .المهم انا زهقت اكتر وزهقت دلوقتى .سلام اشوفكم بعدين
No comments:
Post a Comment